--Ads--
Nakasaganan ni naturalized player Justin Brownlee ti Gilas Pilipinas para iti 2025 FIBA Asia Cup inton Agosto idiay Jeddah, Saudi Arabia kas impasigurado ni coach Tim Cone kalpasan a dimmalan iti minor operation gapu iti sinagrapna nga injury.
Maipalagip a nagsagrap iti injury ni Brownlee iti ramayna kabayatan ti PBA Season 49 Commissioner’s Cup final series iti nagbaetan ti Barangay Ginebra ken Talk N Text.
Kalpasan ti Commissioner’s Cup, dagus a naoperaan ket manarimaanen ti panagpaimbagna tapno masaganaan ti sumaruno a laban ti Gilas Pilipinas.
Segun ken ni Cone, manamnama a makasubli iti ay-ayam ni Brownlee inton umay a bulan tapno balliginto ti panagay-ayamda iti FIBA Asia Cup.
-- ADVERTISEMENT --
