VIGAN CITY – Maysa ti justice system ti pagilian kadagiti ninamnama ni i Ilocos Sur 1st District Rep. Deogracias “DV” Savellano a trataren ni Presidente Rodrigo Roa Duterte iti maikanem ken maudi a State of the Nation Address na idiay kongreso.
Iti pannaki-uman ti Bombo Radyo Vigan ken ni Savellano, ti justice system ti maysa kadagiti kamadian a paset ti gobierno gapu ta adu dagiti kaso a nawaswas gapu ti kuarta ken turay.
Nupay kasta, 7-8 out 10 ti inted ni Savellano a rating ti presidente iti panagsaritana iti SONA ket namnamaenna a dagiti binigbigna a nagun-odan ti administrasyon ket agtultuloy a mapasyaat kas ti kampanya kontra iligal a droga ken korapsion.
No adda man saan a malipatan ti kongresista iti Duterte administration ket isu ti pannakaaprubar ti Universal Health Care Law a nangnayon kadagiti room and facilities para ti provincial hospital iti Sinait District ken ti free irrigation para kadagiti mannalon.
