June Mar Fajardo, naituding nga agretiro ti panagay-ayamna iti Gilas Pilipinas

Kinumpirmaran ni Gilas Pilipinas head coach Tim Cone ti umadani a panagretiro ni June Mar Fajardo.

Segun ken ni Cone, maudi nga agay-ayam ni Fajardo iti fourth window ti FIBA World Cup 2027 Asian Qualifiers.

Gapu dayta ket saan a sigurado no makaay-ayam ti agtawen-iti-tallopulo ket innem a ni Fajardo iti umadani a 20^th Asian Games idiay Nagoya, Japan.

Innayon ni Cone nga idi pay laeng ket kayaten ni Fajardo ti agretiro ngem insalida latta daytoy iti fourth window.

Ti naituding a panagretiro ni Fajardo ket napasamak, nakurang maysa a tawen sipud nagretiro iti panagay-ayamna iti Gilas Pilipinas ni Japeth Aguilar.