VIGAN CITY – Indeklara ni President Ferdinand Marcos Jr., ti June 17 a regular holiday iti intero a pagilian kas panagrambak iti Eid’l Adha, wenno Feast of Sacrifice, maysa kadagiti dua a kangrunaan a piesta ti Islam.
Ti deklarasyon ket linaon ti Proclamation No. 579 a pinirmaan ni Executive Secretary Lucas Bersamin babaen ti authority ti Presidente.
Basar ti proclamation, ti holiday declaration a naaramid ket babaen ti rekomendasion ti National Commission on Muslim Filipinos a naibasar iti 1445 Hijrah Islamic Lunar Calendar.
Iti sidong ti Republic Act 9849 a naipaulog idi 2009, ti maikasangapulo nga aldaw ti Zhul Hijja, ti maikasangapulo ket dua a bulan ti Islamic Calenda, ket naideklara a kas maysa a national holiday para iti panagrambak ti Eid’l Adha.
