VIGAN CITY – Indeklarar ti Malakanyang ti July 17-23 a National Disability Rights Week kas paset ti commitment iti pagilian ti United Nations Convention on the Rights of Persons with Disabilities.
Maibasar ti proclamation no. 597, binilin ni President Ferdinand Marcos Jr. ti Department of Social Welfare and Development wenno DSWD ken ti National Council on Disability Affairs wenno NCDA nga idauluan ti selebrasyon.
Ti National Council on Disability Affairs ti agaramid kadagiti programa, aktibidad ken proyekto nga adda kainaigan iti selebrasyon.
Gagem ti United Nations Convention on the Rights of Persons with Disabilities nga iyetnag, salakniban ken siguradoen ti patas a karbengan ken waya-waya kadagiti tattao nga adda rangkapna ken ipaganetget ti panangrespeto iti dignidadda.
