--Ads--
Kayat ni Senate President Pro-Tempore Ping Lacson a mailatangan ti pondo ti Judicial Integrity Office (JIO) a manamnama a makatulong iti panangpapigsa iti kampania iti hudikatura kontra iti korapsyon.
Umabot iti P250 million iti inisyal a pondo a nailatang iti opisina.
Impaganetget ni Lacson a rumbeng a maikkan iti nasao a pondo ta nu ikumparar iti ginasut a bilion a pisos a napukaw iti pagilian gapu iti korapsyon, bassit laeng iti kasapulan a gatad.
Natalek ni Lacson nga iti panagpataray ti JIO, mapatibker iti sungbatan dagiti korte, opisyal ken kameng dagiti korte.
-- ADVERTISEMENT --
Manamnama a maiduron ti JIO ti integridad iti hudikatura ken matignayan dagiti isyu iti korapsyon iti uneg iti sistema.
