VIGAN CITY – Na-dismiss iti serbisyo ti maysa a judge iti Ilocos Sur gapu ti saanna a panangikaskaso iti suspension order kontra kenkuana inaig kadagiti kaso a nakairamananna kas ti annulment of marriage.
Natakuatan ti Supreme Court a ni Judge Raphiel Alzate ti Ilocos Sur Regional Trial Court Branch 24 idiay Cabugao ket guilty iti gross misconduct ken insubordination.
Immuna a na-dismiss ni Alzate idi 2020 ta naduktalan a guilty iti railroading proceedings iti marriage annulment.
Idi 2023, binaliktad ti high tribunal ti desisyonda ket winayaanda ni Alzate manipud kadagiti kaso isu a sinuspensoda laengen iti lima a tawen ken pinagbayadda iti PHP200K para iti pannakasolbar ti annulment cases a saan a husto ti proseso.
Iti manifestation ken compliance a naipasa idi Pebrero ita a tawen, pinakaamoanna ti high tribunal a nabayadannan ti mueltana isu a nagtakem a presiding judge ti Abra RTC idiay Bangued nga awan ti prior notice wenno clearance manipud iti kangatwan a korte.
Kinnidawna iti SC nga ikonsidera ti bayad ti mueltana kas sufficient compliance iti pammilin.
Segun iti Korte Suprema, masapul nga iserbin ni Alzate ti suspensuonna kalpasan a maawatna ti SC resolution idi January 31 ita a tawen.
