Nagpalawagen ni Miss Philippines Earth 2025 Joy Barcoma mainaig iti isyu ti bullying a maikonkonektar idi kallabes iti naganna, ket kunana a daytoy ket nagtaud iti maysa pay nga insidente idi agad-adal pay laeng iti Polytechnic University of the Philippines.
Segun ken ni Barcoma, naaddaanda ti saan a pagkinnaawatan idi iti kaadalanna iti kolehio ket ad-adda a nangapektar kenkuana ti pannakailadawan ti isyu iti social media imbes a ti mismo a pammabasul.
Innayon pay ti beauty queen a kasla saan a seryoso ti panangibilang ti dadduma iti patangan ti bullying gapu iti wagas a pannakailanadna iti online.
Aminado pay a mabalin a ti kinaangaw ken palaban a kinataona iti social media ti maysa kadagiti nakaigapu iti saan a husto nga interpretasyon ti publiko.
Nupay kasta, impaganetgetna a saanna a tagibassiten ti bullying ket kayatna pay ti agbalin a timek para kadagiti makapadpadas iti kinaranggas, panagabuso, ken panaguyaw.
