Jinggoy Estrada, pinilaanna ti kaso a perjury ni Hernandez a nanginagan kenkuana iti flood control scam

Nangipila ni Senador Jinggoy Estrada iti reklamo kontra ken ni Bulacan first district assistant engineer Brice Hernandez iti Quezon City Prosecutor’s Office.

Immunan a dinakamat idi ni Estrada a mangipila iti kaso a perjury kontra ken ni Hernandez.

Maipalagip a ni Hernandez ti nanginagan kada Estrada ken Senador Joel Villanueva iti mapapati nga anomalya iti flood control project kabayatan ti imbestigasion ti House Infrastructure Committee, ta mapapati a nakaawatda iti 30 percent ‘SOP’ manipud kadagiti proyekto.

Iti maysa nga statement, kinarit ni Estrada ni Hernandez a dumalanda iti lie detector test kagiddan ti panangilibakna kadagiti pammabasul.