Jinggoy Estrada, pinaglibakanna a karaman isuna iti anomalya kadagiti flood control

Pinaglibakan ni Senador Jinggoy Estrada ti imbutaktak ni dati a Bulacan 1^st District Assistant Engineer Brice Ericson Hernandez a karaman isuna ken ni Senador Joel Villanueva iti anomalia kadagiti flood control project.

Kinarit ni Estrada ni Hernandez a dumalan iti lie detector test tapno maamuan no asino kadakuada ti agibagbaga ti pudno.

Inyunay-unay ti senador a nakasagana daytoy a mangpaneknek a saan a pudno dagiti pammabasul kenkuana.

Maipalagip nga iti Senate Blue Ribbon Committee idi kalman ket nayangaw a ‘safe’ ni Estrada kalpasan a saan nga innaganan daytoy ni Curlee Discaya.