Jim Carrey, naikasaren iti nobiana a ni Min Ah

Naikasaren ti beterano nga aktor a ni Jim Carrey iti nobiana a ni Min Ah iti maysa a pribado a seremonia idiay Los Angeles.

Saan pay a nangipakita dagiti agassawa kadagiti ladawan wenno dadduma pay a detalye mainaig iti Kasarda, ta nabayag a pinagtalinaedda a pribado ti relasionda.

Immunan a nagbalin nga opisial iti publiko ti relasionda idi dimmar-ayda iti César Awards idiay Paris idi Pebrero, ta immawat ni Carrey iti honorary César Award.

Daytoyen ti maikatlo a panagpakasar da Carrey kalpasan ti panagdennada ken ni Melissa Womer, a pinakasaranna idi 1987 ken ni Lauren Holly, a pinakasaranna idi 1996.