Inikkat ti Malakanyang ni Jeffrey Ian Dy kas undersecretary iti Department of Information and Communications Technology (DICT).
Idi napan a bulan ket kiniddaw ni DICT Secretary Henry Rhoel Aguda ti courtesy resignation dagiti executive iti ahensya kas paset ti transition idi sinukatanna ni Ivan John Uy.
Iti surat idi March 31 ket binilin ni Executive Secretary Lucas Bersamin ni Aguda a siguradoen ti smooth transition ken husto a turnover iti amin a dokumento ken impormasyon a seknan iti opisina ni Dy.
Iti post ni Dy ket impakaammona a saanen nga isu iti undersecretary iti DICT ngem ammona iti bagina a nagserbi iti gobierno ken kadagiti umili.
Nagserbi ni Dy a DICT undersecretary for infrastructure management, cybersecurity ken upskilling.
Nagyaman ni Dy ken ni President Ferdinand Marcos Jr. iti panangted kenkuana ti gundaway nga agserbi iti publiko.
