--Ads--
Saanen nga agbayad dagiti biahero a planona ti bumisita idiay Japan babaen iti tourist visa, multiple man wenno single entry, ti visa fee malaksid para iti center usage fees ken dadduma pay a nayun a serbisyo nga inavailda no naglukaten ti baro a visa center ti Japan.
Pinasingkedan dayta ti Embahada ti Japan iti Pilipinas kagiddan ti panangiwaragawagda iti panaglukat ti lima a VFS Global-managed visa application centers idiay April 7.
Malaksid iti tourist visa, inlawlawag ti embahada nga adda bayad ti sabali a klase ti visa, agraman dagiti visa a sakupen ti long-term stays.
Para kadagiti tourist visa applicant, nagpakaammo ti embahada nga agipasa nga insigida ti aplikasyon uray adayo pay ti biaheda.
-- ADVERTISEMENT --
