VIGAN CITY – Umabot iti 38,000 a libre a pabalay ti impaay ti Japan government kadagiti naapektaran iti napigsa a gingined iti kallabes a nakatayan dagiti mano a tattao ken nakapukawan iti pagtaengan ti kaaduan.
Iti pannaki-uman ti Bombo Radyo Vigan ken ni Bombo International News Correspondent Haydee Fieldad, naipangruna a maikkan dagiti totally damaged ti pagtaengan ken nayud-udi dagiti partially damaged.
Nupay kasta, impasiguradona nga awan nagdumaan ti naited kadakuada ta ti pagtaengan ket kompleton kadagiti alikamen kas kadagiti appliances.
Immunan a naidalanda iti assessment babaen iti gobierno ta dagiti mabenepisyaran ket nasaludsodda pay no kasano ti set up ti biagda ken no sadinno ti lugar a kayatda a pangipatakderan.
Iti biangda, kiniddawda nga iti lattan barangayda iti pakaipatakderanna tapno saandan unay nga umadayo manipud iti dati a pagtaenganda.
