Japan, dinayyeg iti magnitude 5.9 a gingined

Magnitude 5.9 a gingined ti nangdayyeg iti laud a Japan, pakairamanan ti Tokyo.

Napasamak daytoy iti Ibaraki Prefecture a ti kaunegna ket 70 kilometro ken awan ti pangtana iti tsunami.

Awan pay ti naipadamag a natay wenno nakaru a nadunor, ngem adda dagiti natukkol a tubo ti danum idiay Tokyo ken nasurok-kumurang 460 a pagtaengan ti naawanan iti koriente.

Ad-adalen met ti gobierno ti posible a peggad, kabayatan nga awan pay ti naipadamag a parikut kadagiti nuclear power plant.