Japan, dinayyeg iti magnitude 5.8 a gingined

Dinayyeg iti napigsa a magnitude 5.8 a gingined ti eastern Hokkaido, Japan.

Segun iti Japan Meteorological Agency, napasamak ti gingined itay ala una kwarenta iti parbangon.

Adda kaunegna a 40 kilometers, a ti episentrona ket manipud iti abagatan a laud ti kabaybayan ti Nemuro Peninsula idiay Hokkaido.

Inlawlawag ti ahensia a napasamak ti panagdayyeg kadagiti boundary dagiti dua a plates.

Binalakadan ti ahensia dagiti agindeg nga agalerto kadagiti aftershock nga umabot iti magnitude 5 ken mabalin nga agpaot iti maysa a lawas.