--Ads--
Lima a balud ken tallo a suldado ti natay idinto a duapulo ket maysa ti nadundunor kalpasan a sumagmamano a balud ti nanggandat nga aglibas idiay Somali, Mogadishu.
Segun iti pannakangiwat ti Somali army’s custodial corps. a ni Col. Abdikani Khalaf, dagiti balud ket nakaikot ti pampabettak ken paltog idi immatakar kadagiti agbanbantay a guardia.
Naamoan a dagiti karaman iti insidente ket miembro ti Al-Shabab numanpay saandapay nga inaklon ti napasamak.
Saan a dayta ti umuna a gundaway a ginandat dagiti balud nga aglibas iti nasao a pagbaludan ta napasamak dayta idi tawen 2020 a nakatayan ti siam a balud.
-- ADVERTISEMENT --
