VIGAN CITY – Maysa nga IT Worker manipod India ti nakagun-od ti world record babaen ti panagbisikletana ti sibubukel a pagilian ti India iti uneg iti sangapulo ket tallo nga aldaw ta naarpatanna ti maysa nga aldaw ti dati a record.
Binisikleta ni Gopikrishnan Kesavan, agtawen iti duapulo ket pito ti “K2K” route manipod Kashmir idiay India agingga Kanyakumari Beach iti southernmost tip iti nasao a pagilian babaen ti kaadayo a 3,641km.
Awan ti nangsurot kenkuana tapno ikkanda ti taraon ken awan ti nagturoganna a hotel ta isuna mismo ti agsardeng kadagiti restaurant ken tea shops tapno mangan ken mapan agsapul ti pagturoganna nu aginana.
Gapu ti kinaanusna a nagbisikleta ket nagun-odna ti fastest unsupported India N-S Crossing by standard bicycle.
