VIGAN CITY – Inlawlawag ni Basug Community School – Parent Teachers’ Association President Almeen Jane Beado a ti lima gasut a pisos a quota dagiti kameng ti PTA Board ken dagiti mangisursuro ket bayadan da tapnu makaur-or da iti pondo a para met laeng iti pagsayaatan iti pagadalan ken dagiti annak da nga agbasbasa.
Kayat da a masimpa iti alad ti nasao a pagadalan ken nadakamat na nga idi napagpapatangan iti nasao a gatad ket awan iti siasino man kadagiti kakadua na a naki-meeting iti kimmontra.
Dayta iti rason nu apay nga atapen ni Beado a dagiti nagreklamo ket dagiti miyembro ti asosasyon a saan a naki-meeting ken saan da nga ammo nu anya iti napagpapatanganda.
Malaksid iti dayta, inlawlawagna pay a ti naggapuan ti pondo a panaggatangda kadagiti papremyo iti insayangkatda a raffle draw ket naggapu kadagiti napanda nagdawatan iti tulong ken saan a ti quota ti tunggal nagannak ken mangisursuro.
