VIGAN CITY – Nagpalawag ti co-organizer ti Viva Vigan Endrance Challenge ta adu dagiti naibansag kenkuana nga issue inaig iti nasao nga event.
Iti pannaki-uman ti Bombo Radyo Vigan ken ni Ryan Pardo, ado nga issue ti naibasag kenkuana kas ti mapukpukaw a kuarta iti nasao nga endurance challenge a nakipasetan dagiti nadumaduma a rider manipud iti Ilocos Sur ken Ilocos Norte.
Naipresentarnan ti liquidation dagiti nagastosna iti LGU Vigan ken dagiti padana nga organizer manipud iti probinsia ngem ita nga aldaw ket adda taripnong iti nagbaetanda ti organizers manipod Ilocos Norte.
Innayonna ni Pardo nga awan ti pakainaigan ti Vigan City Government ken Viva Vigan Riders Club kadagiti maibanbansag kenkuana nga issue.
Kabayatan ti interview ti Bombo Radyo Vigan kenni Pardo,nakiddaw ti panagsarita dagiti organizers manipud Ilocos Norte ngem kiniddaw da nga kalpasan ton ti inda panagpapatang.
