VIGAN CITY – Inlawlawag ni Santa Vice Mayor Jeremy Jesus “JJ” Bueno nga agingga nga awan iti paglawlawagan iti impatulod da a surat iti opisina ti Department of Interior and Local Government inaig iti pannakaiparit dagiti tricycle iti tingnga ti national highway ket suruten da iti nakailanad ti Local Government Code of the Philippines.
Dayta ket mainaig pay laeng iti isyu iti pannakaiparit dagiti tricycle a magna iti national highway nga irekreklamo iti kaaduan.
Segun ken ni Bueno, kayatda ti sumurot iti memorandum circular a nayetnag ngem ti saanda nga anamongan ket iti pannakaiparit dagiti tricycle a magna iti national highway ta saan laeng a ti pagsapulan dagiti agpaspasada iti maapektaran no di ket pati iti sistema ti transportasyon.
Kas maibasar iti Local Government Code ket saan a ti DILG ti kasapulan a mangipatungpal kadagiti paglintegan nu transportasyon iti pagpapatangan no di ket ti Depatment of Transportation ta isuda ti maseknan nga ahensia.
