Balligi a nakasubli iti lubong dagiti astronaut iti International Space Station (ISS) Crew-11 kalpasan iti nasapa a pannakalpas ti mission-da idi nag-splashdown ti SpaceX Dragon Endeavour capsule iti Pacific Ocean iti kabaybayan ti San Diego.
Naisayangkat ti parachute-assisted splashdown iti alas tres kuarentay uno iti bigat kalpasan a simmina iti kapsula iti Harmony module iti ISS iti alas singko baente iti malem iti January 14.
Binigbig ti NASA astronauts iti naglukagn ti mission a da Zena Cardman a commander ken Mike Fincke a piloto, kaduada iti mission specialist a da Kimiya Yui iti Japan Aerospace Exploration Agency (JAXA) ken Oleg Platonov a maysa a Russian cosmonaut.
Naammoan a ti nasapa a panagsubli ti Crew-11 ket gapu iti maysa a saan a naipakaammo a medical issue a nakairamanan ti maysa kadagiti tripulante.
Maipalagip nga impakaammo ti NASA idi Janaury 8 a maleppas a nasapsapa iti mission nge saanen a nainaganan ti apektado nga astronaut.
