--Ads--
Personal a nakipagladingit ni Israeli President Isaac Herzog iti asawa ti natay nga Overseas Filipino Worker a ni Mary Ann De Vera idiay Beit HaNassi, Jerusalem.
Pinasangbayan ni President Herzog ni Bernie Lavares, asawa ni De Vera iti opisial a pagnanaedan ti Presidente ti Israel, segun iti Philippine Embassy idiay Israel.
Impasigurado ni Herzog a makaawat ni Lavarias iti nasapa a tulong pinansial babaen iti compensation program ti Israel para kadagiti war victim ken binulan a bayad babaen iti national insurance system-da.
Natay ni De Vera iti maysa a missile attack idiay Tel Aviv idi Pebrero 28.
-- ADVERTISEMENT --
