VIGAN CITY – Posible a bumales ti Israel gapu ti nagsasaruno nga insayangkat a panagpabanto ti rockets iti Hezbollah iti northern Israel a rason ti wildfire.
Iti pannaki-uman ti Bombo Radyo Vigan ken ni Bombo International News Correspondent Hecky Cardenas nga adda idiay Israel, nagballaag ti Israel Defense Forces iti Hezbollah a masapulda a bayadan dagiti ar-aramidenda a pakairamramanan dagiti umili.
Segun kenkuana, nalawa ti nauram ta umabot pay ti mano nga aldaw ti panangdepdep iti uram a nakaapektaran ti adu a mula ken kaykayo.
Ti wildfires ket isun ti kaunaan a gundaway a panagatake ti Hezbollah a nangitunda ti nakaru a wildfire iti northern Israel manipod napasamak ti rinnupak ti nagbaetan iti Hezbollah ken Israel kalpasan ti October 7 attack nga indauluan iti Hamas.
VIDEO – BINC HECKY CARDENAS
