Inkari ti gobierno ti Israel a mangted da ti tungpal biag a suporta para iti pamilia ti naulila ti Pilipino caregiver a ni Mary Ann De Vera a natay iti missile attack ti Iran idiay Tel Aviv.
Daytoy ti kinumpirma ni Israel Ambassador to the Philippines Dana Kursh nga emosional a nakipagladingit iti pamilia ti biktima ket impasigurado na nga iti salinong ti linteg ti Israel ket dagiti pamilia dagiti nadunor wenno natay iti tengnga ti tension ket adda karbengan da para iti lifetime benefits.
Maipalagip a ni de Vera ket natay iti retaliatory strike ti Iran kasaruno ti panagatake ti Israel ken Amerika kontra Iran a nakatayan ti ginasut nga indibidwal.
Innayon pay ti Israeli Ambassador a ti national security agency ti pagilian ti mangkita ti panagirruar ti nadakamat a benepisio.
