VIGAN CITY – I- lockdown ni Israeli Prime Minister Benjamin Netanyahu ti pagilianda manipud inton alas kuatro iti agsapa no bigat agingga iti alas siete ti rabii iti Biernes kas pinasingkedan ni Bombo International Correspondent Rosalie Tica.
Dayta ket gapu iti agtultuloy a panagadu ti bilang dagiti maap-apektaran ken matmatay gapu ti COVID- 19 iti nasao a pagilian.
Pinasingkedan na pay nga adda manen ti Pilipino a nagpositibo ti COVID19 gapu iti pannakatay ti amona nga apektado ti nasao a sakit.
Ti agdama, iti nasao a pasyente ket naka-isolate iti ospital nga ayan na.
Ingunamgunam ni Tica a nainget ti addang ti gobiernoda tapno laeng maliklikanda ti panagraira ti COVID19 ngem agtultuloy met dagiti ar-aramiden da a wagas tapnu matulongan dagiti umili iti nasao a pagilian nangruna dagiti senior citizen nta adda ti maawatda a financial assistance.
