--Ads--
Nagtunos ti Hamas ken Israel iti ceasefire deal ken pannakawayawaya dagiti hostage idiay Gaza.
Ti nadakamat a katulagan ket naaramid kalpasan ti meeting iti opisina ti Qatari Prime Minister Sheikh Mohammed bin Abdulrahman bin Jassim al-Thani.
Nagsina a nakisinnarak ti Qatari Prime Minister kadagiti pannakabagi ti Hamas ken Israel nga agpada a simmungbatda iti nadakamat a katulagan.
Ti nadakamat a katulagan ket ti pannakawayawaya ti 33 a hostage ti Hamas idi rinautda ti Israel idi Oktubre 7, 2023.
-- ADVERTISEMENT --
Kas kasukat daytoy, wayawayaan ti Israel ti sumagmamano a gasut a balud a Palestinian.
Maipalagip a ti US ken sumagmamano a mediator country kas iti Egypt ken Qatar ti nangidaulo iti mediation tapno agpatingga ti gubat ti Hamas ken Israel.
