Pinasingkedan ti Israel a natay ni Iranian Leader Ayatollah Ali Khamenei kalpasan iti panagatake iti Israel ken Amerika.
Segun ti maysa a source, mapapati a nakaala ti Israel ti ladawan ti bangkay ni Khamenei idinto a ti maysa a source ket maisagsaganan ti opisyal a pakaammo iti gobierno.
Sakbay dayta ket segun ken ni Israeli Prime Minister Benjamin Netanyahu, adu dagiti senyales a ni Khamenei ket awanen.
Kabayatanna, pinaglibakan dayta ni Iranian Foreign Ministry spokesperson Abbas Araghchi a ti presidente ken Supreme Leader ket “safe and sound”.
Ni Khamenei ket simmukat ken ni Ayatollah Ruhollah Khomeini a lider iti 1979 Islamic Revolution nga ayan iti maudi a pangngeddeng iti amin a kangrunaan a polisiya iti pagilian.
Idadauluanna ti Iran’s clerical establishment ken ti paramilitary Revolution Guard a dua a kangrunaan a sentro ti puersa iti theocracy iti Iran.
Kabayatanna, agingga ita ket saan pay a nakita iti publiko ti lider iti Iran manipod nangrugi ti nagsasaruno a panagatake.
