VIGAN CITY – Nakaawaten ti Ilocos Sur Polytechnic State College Santiago Campus iti safety seal manipud iti Local Government Unit ken iti Department of the Interior and Local Government iti nasao nga ili.
Segun ken ni ISPSC President Dr. Gilbert Arce, sangagasut a porsienton a nakasaganan ti ISPSC-Santiago campus a mangiyuswat iti face to face classes ta naipaayen dagiti kasapulanda.
Ti pannakaawatda iti safety seal ket mangipaneknek a dagiti safety protocol kontra Covid19 ket nasurot para ti face to face classes.
Innayon ni Dr. Arce a daytoy ti pangrugrugian ti ISPSC para ti panangisublida ti normal a wagas ti panagklase ta agtultuloy ti panangkitkitada iti panangipatungpalda ti nasao nga addang kadagiti dadduma pay a campus ti nasao a pagadalan.
