Nagun-od ti Ilocos Sur Polytechnic State College main campus- Candon City ti “Top 2 Performing School Nationwide” rank para ti November 2025 Midwifery Licensure Examination.
Iti pannakiuman ti Bombo Radyo Vigan ken ni Amelia Antonio, Program head ti Bachelor of Science in Midwifery ti nasao a pagadalan, innem a pulo ket innem ti nakaipasa ti nakaipasa ti board exam ket tallo kadakuada ket Topnotchers nga isu da Kristine Valdez Quaibang (Top 5), Glory Ramos Aciong (Top 9), ken Catherene Pulmano Sunio (Top10).
Maragsakan ti sibubukel a campus iti pammadayaw ken dakkel a balligi dagiti estudyante ken manursuro.
Innayon ni Antonio nga saan laeng nga aggapu iti Bachelor of Science in Midwifery ti agbal-balin a Topnotchers ti pagadalan kadagiti board exam ta uray iti College of Teacher Education ket addan iti nagbalin a Topnotchers. Reynand Fontejon
