--Ads--
Natalna ti panangpaliiw iti umuna nga aldaw iti Undas 2025 iti Ilocos Sur kas pinasingkedan ni PLTCOL. Rogelio Remiendo Jr., Public Information Officer ti Ilocos Sur Police Provincial Office.
Iti pannaki-uman ti Bombo Radyo ken ni Remiendo, awan pay dagiti nairekordda a casualties ket namnamaenda daytoy nga agtultuloy kagiddan ti inda panagbambantay.
Naisayangkat met ti inspeksion kadagiti nadumaduma a kamposanto iti probinsia tapno makita ti seguridad.
1,730 a police personnel ti pakabuklan a bilang dagiti naideploy kadagiti siam a pulo ket siam a kamposanto iti probinsia.
-- ADVERTISEMENT --
