VIGAN CITY – Inpanamnama ni Police Colonel Emmanuel Hombrebueno Reyes, provincial director ti Ilocos Sur Police Provincial Office (ISPPO) nga itul-tuloy da iti agserbi kadagiti amin a tattao ditoy probinsiya ken igagaed da pay iti agtrabaho.
Dayta ket gapu ti lima a naawat da a pammigbig iti naisayangkat a Police Service Anniversary ti Police Regional Office 1.
Segun ken ni Reyes, naala ti ISPPO dagiti special unit award para ti kampanya kontra iligal a droga, kampanya kontra loose firearms ken nababa a crime rate iti intero a PRO 1.
Kabayatanna, ti met Vigan City police station ti nabigbig kas Best City Police Station iti intero a Region 1 ken ti Sto. Domingo municipal police station ti Best Municipal Police Station iti intero a rehiyon.
