VIGAN CITY – Makumikom ita dagiti kameng iti Ilocos Sur Police Provincial Office (ISPPO) iti security preparations inaig iti umadanin a panagbisita dagiti kandidata iti Misuniverse iti siyudad ti Vigan inton domingo, Enero 15.
Iti pannakisarita ti Bombo Radyo Vigan ken ni Police Sr. Supt. Reynaldo de Peralta, ISPPO provincial director, mangisayangkat da pay iti tallo a simulation exercises sakbay iti isasangpet dagiti kandidata.
Maysa a dry run iti maisayangkat inton rabii no bigat ken mamindua inton enero 14 a pakaideployan dagiti pulis manipud iti nadumduma a municipal police stations iti probinsiya.
Inpasigurado ti opisyal a siyam a pulo a porsiyenton a nakasagana ti kapulisan ket aramiden da amin a a kabaelanda tapno naan- nayas ken naurnos ti Miss Universe pre-pageant a maangay iti probinsiya.
Duapulo nga agkakalapsat a babbalasang iti manamnama a bumisita iti siyudad ti Vigan a pangirampaan danto idiay Calle Crisologo kadagiti kawes a nadait ken naaramid iti “abel iloko”.
