VIGAN CITY – Maysa kadagiti napadayawan ni Dr. Trina Tabboga Talaga. Chief of Hospital iti Ilocos Sur Provincial Hospital Gabriela Silang kadagiti Bigueña Achievers Awardee.
Iti pannaki-uman ti Bombo Radyo Vigan ken ni Dr. Talaga, patienna a nagun-odna ti pammadayaw babaen kadagiti naar-aramidanda maipanggep iti salun-at ken kagiddan payen ti selebrasyon ti Women’s Month.
Ibilangna a ti pammadayaw ket para kadagiti nurse, doctor ken healthcare worker ta patienna a napateg ti akem ti tunggal maysa kadakuada ken mamati a no awanda ket imposible a magun-od ti pammadayaw.
Nupay kasta, maragsakan ken nagyaman ni Talaga iti pannakabigbig ti tignayda tapno mapasayaat ti healthcare system ti probinsia nga agpaay kadagiti umili ken ti panangikagumaanda a manglaban iti Covid19 virus.
