VIGAN CITY – Pormal a nalukatan idi kalman ti Isolation Intensive Care Unit for COVID- 19 iti panangidaulo ni Governor Ryan Singson kadua na da Dra. Trina Talaga, Ilocos Sur District Hospital – Narvacan chief Dr. Ronald Tobias kenni Provincial Disaster Risk Reduction and Management Council Chief Michael Chan.
Ti nasao a pasdek ket naipatakder babaen iti singasing dagiti adda iti health sector ken Inter-Agency Task Force nga idaulwan ni Singson.
Malaksid iti Isolation facility, nakasaganan ti COVID- 19 team a binukel ti nasao nga ospital tapnu naan-anay iti pannakaparmek iti nasao a sakit uray nu adda pay laeng ti maysa a nagpositibo ti COVID- 19 ditoy probinsiya.
Ti naipatakder nga isolation facility ditoy probinsiya babaen ti ISDH- Narvacan ket isu iti kabassitan iti intero a Region 1.
