VIGAN CITY – Nangiparuar ti official statement ti Ilocos Sur National High School babaen ken ni Rodrigo Reyes, Officer-in-charge iti Office of the Principal IV a dagiti agturpos nga estudiante ket saan a nai-require kadakuada ti mapan agparetrato kadagiti aniaman nga studio.
Malaksid ti dayta, awan ti naituding a schedule iti pictorial para kadagiti agturpos nga estudiante ken inlawlawagda a saan a nakitinnulag ti administrasyon ti nasao a pagadalan kadagiti photo studio para iti graduation pictorials.
Segun ken ni Reyes, uray no mabalinda ti mapan agpaala iti ladawan kadagiti photo studio ket ikonsiderada a maaramid lattan iti uneg ti pagtaengan.
Ipagpaganetget ti nasao a pagadalan ti nasao nga addang tapno maliklikan ti panagruar ket masalakniban ti salun-at dagiti estudiante.
