VIGAN CITY – Kalikagum ni Vice Governor Ryan Singson a manayunan kada tawen dagiti benepisyaryo nga estudyante ti Ilocos Sur Educational Assistance and Scholarship Program (ISEASP).
Segun ken ni Vice Governor Ryan Singson iti programa Ryanniag, manipod idi gobernador pay laeng isuna ket ipangpangrunanan ti pagsayaatan dagiti estudyante nga iskolar ta kayatna nga ad-adu pay iti matulongan kada tawen.
Malaksid ti insentibo a manayunan ket kalikagumna maipaay dagiti pagkasapulanda a gamit isu nga ipasiguradona a nu addanto manen ti pondo ket ilatangna iti edukasyon.
Inlawlawagna a dakkel a tulong para kadagiti agturpos nga iskolar iti probinsia ta nu agsapuldan iti trabaho ket adu iti mangala kadakuada a kompania isu a kiddawna kadagiti iskolar nga ipannakelda iti panagbalinda nga iskolar.
VOICE OF VICE GOVERNOR RYAN SINGSON – SCHOLAR 1
Kabayatanna, imbigay ti bise gobernador a naalan ti 580 scholar a nagturpos idi napalabas a school year iti insentiboda nga impaay ti provincial government ta adda dua a summa cum laude iti nakawat ti sag-P30,000; duapulo ket innem a magna cum laude a sag-P20,000; sangagasut innem a pulo a cum laude a nakaala ti sag-P10,000; ken dagiti regular graduate ket addaan ti sagsangaribo a pisos.
Iti agdama, adda iti 3,057 a scholar iti probinsia a maakaw-awat iti sag-P5,000 tunggal semester.
VOICE OF VICE GOVERNOR RYAN SINGSON – SCHOLAR 2
