VIGAN CITY– Patien ni Ambis-OWWA ken House Deputy speaker Rep. Sharon Garin nga ikkan ti kamara ti gundaway ni Acts-OFW Rep.Aniceto John Bertiz tapno agpalawag inaig iti iskandalo a nakairamanan na idiay Ninoy Aquino International Airport (NAIA) tapno saan laeng a maidalan iti ‘trial by publicity’.
Ti esklusibo a pannakiuman ti Bombo Radyo Vigan kenni Rep. Garin , kinunana a rumbeng a maikkan ti gundaway nga agpalawag iti agsinnumbangir a grupo tapno maammuan ti pudno a napasamak ken makita dagiti pada da nga agpanpanday linteg idiay Kamara no adda ti nagbasolan ni Bertiz tapno maiyetnagan ti kaibatogan na a pannusa.
Kiniddaw ni Garin a saan da a husgaran nga insigida ni Representative Bertiz babaen laeng iti video a nakita iti social media no di ket denggen ti pakabuklan nga istorya ta iti naam-ammo na iti agpanpanday linteg kas nasayaat a tao ken aktibo nga opisyal ti gobierno.
