Naartapan ti Ilocos Sur Community College ti national passing rate iti Midwifery Licensure Examination ta 83.64 percent ti nagun-od ti nasao a pagadalan.
Nangatngato ti nasao a porsiento ngem iti national passing rate a 70 percent.
Iti pannaki-uman ti Bombo Radyo Vigan ken ni Dr. Arnel Doctolero, ISCC College Administrator, siam a pulo ket dua a graduates ti nakapasa iti nasao nga exam.
Walopulo ket siam ti pimmasa manipud kadagiti sangagasut ket uppat a first takers idinto a tallo manipud kadagiti innem a retaker.
Innayon ni Doctolero a nakitada ti regget nga agadal ken agreview iti las-ud ti innem a bulan dagiti estudiante no apay a nagballigida iti eksaminasyon.
Ipannakkelna met nga uray limitado laeng ti resources ken dagiti mangisursuro ket nagun-odda ti daytoy a balligi.
Kas panagyaman ket addanto met ti maisayangkat a misa iti uneg ti pagadalan.
