Siguradon dagiti mannalon idiay Bohol nga umdas ti suplay ti danum iti talonda kalpasan nga indauluan ni Pres. Ferdinand Marcos Jr. ti inagurasion ti Mabini-Cayacay Small Reservoir Irrigation Project idiay Barangay Abaca, Mabini, Bohol.
Ti irrigation facility a napondoan ti P833.37 ket manamnama a makaited ti supply iti danum iti intero a tawen kadagiti talon kadagiti ili ti Mabini ken Alicia a pakairanudan dagiti mannalon.
Segun ken ni Pres. Marcos, babaen ti proyekto a manamnama iti umdas a suplay ti danum ket umadu dagiti apit dagiti mannalon ken masigurado nga umdas ti suplay iti taraon.
Nakikaysa ti National Irrigation Administration iti agtultuloy a pannakaipatungpal dagiti padanum a proyekto tapno maiduron ti agrikultura idiay Bohol.
Makissayanen ti danag dagiti mannalon iti epekto iti El Niño ta adda manamnama a pagalan ti danum para iti padanumda.
