VIGAN CITY – Naleppasen iti pannakasimpa iti irrigation canal iti ili ti Bantay a karaman kadagiti naapektaran iti ginggined idi Hulyo 27 iti agdama a tawen.
Iti pannaki-uman iti Bombo Radyo Vigan ken ni NIA- Ilocos Sur IMO Acting Division Manager Engr. Aurelia Reasonda, nagyaman isuna kadagiti timmulong iti pannakaleppas iti proyektoda kangrunaan kadagiti contractor.
Segun ken ni Engr. Reasonda, manipod iti uppat a pulo ket lima nga aldaw a naitudinga a panagpasimpada ket naleppas iti uneg laeng iti tallopulo nga aldaw iti 1,535 nga ektarya nga irrigation canal.
Ti nasao nga addang ket tapno agtultuloy iti pannakaipaay iti serbisyo iti irigasyon kadagiti duaribo duagasut duapulo nga apektado a mannalon.
Maipalagip nga idi August 1 iti agdama a tawen ket bimmisita iti probinsia ni National Irrigation Administration Acting Administrator Benny Antiporda ta insayangkatda iti inspeskyon kadagiti naapektaran nga irrigasyon iti napasamak a ginggined idi Hulyo 27.
