Indiaya ti Iran ti $30,000 a gunggona iti siasinoman a makakemmeg wenno makapatay iti maysa a suldado nga Amerikano.
Segun ken ni Army Chief Amir Hatami, nairusat ti programa kalpasan a nakaawat ti militar ti adu a kiddaw manipod kadagiti Iranian a kayatna a sumali.
Nangat-ngato met ti gungguna para kadagiti babbai a makaaramid iti programa.
Kinuna ni Hatami, doble iti $30,000 ti maawat dagiti babbai a makakemmeg wenno makapatay iti suldado nga Amerikano.
Saan met nga imbingay ni Hatami ti detalye no sadino wenno kaano a mabalin a maisayangkat iti pammapatay wenno panagkemmeg kadagiti suldado nga Amerikano
Awan pay ti kumpirmado a deployment iti US ground forces iti Iran iti agdama a rinnupak ngem karaman kadagiti naipakaammo nga operasion ti rescue mission idi Abril para iti maysa nga Amerikano a piloto a napabantoan iti eroplanona.
