--Ads--
Tallo a lallaki ti binitay ti Iran kalpasan a masentensyaanda gapu iti mapapati a pannakitinnulongda iti Mossad, ti spy agency ti Israel.
Mapapati a nagipuslit dagiti tallo iti alikamen a naaramat a panangpapatay iti maysa a saanen a nainaganan nga indibidual.
Saan met a naibuksilan ti nayon a detalye mainaig iti biktima wenno iti nagbalin nga operasyon.
Maipalagip nga immunan a binitay dagiti sumagmamano nga indibidual a napabasul a konektado iti Mossad agraman dagiti pammabasul iti panangpapatay kadagiti nuclear scientist ken dagiti nangsabotahe iti nuclear program ti nasao a pagilian.
-- ADVERTISEMENT --
Gapu dayta, madanagan dagiti human rights group iti kinakurang ti due process ken transparency ti Iran kadagiti kastoy a kaso.
