--Ads--
Nadadael dagiti sumagmamano a sanikua kalpasan a makapadas iti ipoipo ken napigsa a tudo ti nadumaduma a paset iti ili ti Sinait, Ilocos Sur.
Adda dagiti sumagmamano nga atep nga intayab ti napigsa nga angin, idinto nga adda pay dagiti kayo a natukkol ken nabukwal.
Dagus a nagresponde ti Sinait Municipal Police Station, kaduada dagiti opisial ti barangay kadagiti apektado a lugar tapno mangisayangkat iti ocular inspection ken assessment ken tapno masigurado ti kinatalged dagiti agindeg.
Awan met ti natay wenno nadangran iti napasamak ken manarimaan ti pannakaduktal no mano ti gatad dagiti nadadael a sanikua.
-- ADVERTISEMENT --
Nabalakadan latta met dagiti agindeg nga agannad ken liklikanda dagiti agtinnag a debris.
