Kinumpirmaran ti Department of Foreign Affairs (DFA) a natimbreandan ti International Criminal Police Organization (Interpol) a nagkanselar iti passport ti nagikkat a dati nga Ako Bicol Party List Rep. Zaldy Co.
Segun ken ni Foreign Affairs Spokesperson Ambassador Angelica Escolana, naawat ti DFA idi December 10 ti resolution iti Sandiganbayan a mangbilbilin iti kanselasyon ti pasaporte iti dati nga agpampanday linteg.
Inlawlawag ti DFA official a naipakadadan iti Interpol office iti Pilipinas, a Philippine Center on Transnational Crimes, ti kanselasyon ti pasaporte ni Co ken ireport iti Interpol national ken ipakaammo iti amin nga international border control tapno ipan iti alert system iti passport ni Co.
No maipanggep ti posible nga iggem a golden passport ni Co ket kinuna ti DFA official a ti Portuguese government laeng iti makasungbat.
Kinunana a saan nga amin a Pilipino a makaal-ala iti foreign citizenship ken foreign passport ket agrepreport iti DFA.
