--Ads--
VIGAN CITY–Inyarig ni PSSupt. Rey de Peralta, baro a provincial director ti Abra Police Provincial Office, iti internal cleansing iti biyang ti PNP a kasla sangatimba a prutas nga adda iti maysa a rinuker na ket nu daytoy iti maiyalis iti sabali a timba, posible nga akaran na dagiti sabali a prutas isu a rumbeng nga iti damo pay laeng ket madalusanen.
Segun kenni De Peralta, kasapulan nga iti bukod a lugar iti pakadisiplinaan dagiti pulis nga adda iti nakairamanan da nga iligal nga aramid.
Kas baro a mangidaulo iti sibubukel a kapulisan idiay Abra, iti pannakadisiplina dagiti pulis nga iligal iti aramid na, panangparmek iti insurehnsiya ken panangpatalinaed iti drug-free nga estado iti probinsiya iti tutukan iti nasao nga opisyal.
