Makitaripnong ni Interior Secretary Benhur Abalos kadagiti local chief executives kadagiti siudad ken ili iti Luzon tapno papigsaen ti panangkamat kadagiti illegal a Philippine Offshore Gaming Operators.
Makataripnong ni Abalos dagiti mayor ti Pampanga, Tarlac, Ilocos Region, ken Cagayan Valley idiay Pampanga kasta payen dagiti mayor iti Metro Manila ken Southern Luzon.
Ti addang ket gapu iti immadu a mangipampanawagan ti pannakaiparit dagiti POGO iti pagilian gapu iti immadu a krimen a mainanaig kadagiti illegal operator.
Iti kinapudnona, nakairekord ti Presidential Anti-Organized Crime Commission iti nasurok uppat a gasut nga illegal POGOs iti pagilian, isu a panawagan dagiti kongresista a nasken a maipasarran ti POGO. Segun pay iti DILG, nasken a makapanunot ken makairuar ti local government units a target ken timetable, nga imonmonitor met ti ahensia.
