Nagballaag ni Interior Secretary Jonvic Remulla a dagiti resort ken restaurants ti agbalin a “biggest disguise” para kadagiti Philippine offshore gaming operators (POGOs) nga adda pakainaiganna kadagiti criminal activities.
Innallukoy ni Remulla dagiti local officialsti regular nga inspeksion dagiti establisimiento iti sakup da tapno malapdan ti illegal nga operasyon ti POGO.
Inyunay-unay na nga umad-adu dagiti POGO nga agus-usar kadagiti legitimate businesses kas panagpammarang para iti operasionda, kas makita iti nabiit pay a pannaka-raid iti Lapu-Lapu City, Cebu.
Naibutaktak ti napasamak a panag-raid ti maysa a restaurant, hotel, ken bar ket maysa laeng a panagpammarang ti maysa a POGO scam farm, isu a kasapulan ti nainget a panagbantay dagiti local authorities.
Innayon pay ni Remulla nga aktibo ti panagimbestigar dagiti intelligence ken special units ti Philippine National Police ken National Bureau of Investigation kadagiti scam hubs, partikular dagiti agop-operate nga awan ti umno a business permit-na.
