VIGAN CITY – Pagik-ikkaten ni dati a Philippine Councilors’ League (PCL) national president agdama a Narvacan Mayor Luis “Chavit” Singson ni Davao City councilor Danilo Dayanghirang kas interim president ti PCL kalpasan iti kontrobersyal a pannakaisanud iti eleksyon idi naminsan a rabii ta dadael dagiti makina a mausar kuma iti panagbobotos.
Ti pannaki-uman ti Bombo Radyo Vigan ken ni Singson, nakunana a naituloy latta kuman iti nasao nga eleksyon ket saanen a nausar dagiti makina a mapapati a kinargaan ti kampo ni Dayanghirang tapnu nagan na iti agparang uray nu nagan ti kalaban na iti ibotos dagiti pada da a konsehal.
Mamati ti dati a PCL President a marigatan to manen a makapagconvene dagiti nasurok a sangapulo ket dua ribo a konsehal ditoy pagilian para iti panagpipili dagiti baro nga opisyal.
Malaksid ken ni Dayanghirang, pagik-ikkaten na pay dagiti amin nga interim national officials ti PCL ta saan a mabalin a gasgastuen da para iti bukod da a pagsayaatan iti pondo ti asosasyon iti laksid a saan met nga isuda iti binotosan dagiti kakadua da mangidaulo kadakuada.
