--Ads--

VIGAN CITY – Nakadanunen idiay Middle East iti mangidaulo ti Inter-Agency Task Force Special Envoy Roy Cimatu ken dagiti dadduma pay a kakadua na tapnu maasikaso iti panagawid dagiti Pilipino idiay Iraq.

Dayta iti pinasingkedan ni Overseas Worker Welfare Administration (OWWA) administrator Atty. Hans Leo Cacdac iti pannaki-uman kenkuana ti Bombo Radyo Vigan.

Segun ken ni Cacdac, manamnama nga inton sumarsaruno nga aldaw ket agtataripnong iti embahada idiay Baghdad ken Filipino Community tapno masimpan iti mass repatriation dagiti Pilipino iti nasao a lugar.

Mapatta- patta nga umabot ti sangaribo innem a gasut wennu nasursurok py iti bilang dagiti Pilipino a maisakup ti mass repatriation a kas maibasar ti rekord ti Department of Foreign Affairs.

Agsipud iti dayta, ingunam-gunam ni Cacdac a rumbeng a maalukoy a naimbag dagiti Pilipino nga agawid tapnu saan da a maisagmak.

Inbalakad pay ni Cacdac kadagiti pamilia dagiti adda iti nasao a lugar a rumbeng nga ipakaammoda iti bilang ken impormasyon ti pamilada tapno maammuan iti ayanda no man bilang nga adda mapasamak.

RELATED ARTICLESMORE FROM AUTHOR